एक वर्ष मा ‘नेपाली जुटौँ, बाल विवाह रोकौँ’ अभियान




२०७५ साउन २५ शुक्रवार
Newsdesk Shikharnews

काठमाडौं, २५ साउन । वर्ल्ड भिजन इन्टरनेसनल, सामुदायिक रेडियो प्रसारक संघ(अकोराब) र सामुदायीक सुचना नेटवर्क (सिआइएन) को साझेदारिमा सुरु गरिएको बाल विवाह बिरुद्धको ‘नेपाली जुटौँ, बाल विवाह रोकौँ’ अभियानको एक बर्ष पुगेको छ ।

अघिल्लो बर्षको अगस्त १० मा राष्ट्रपति बिद्या देवि भण्डारिद्वारा उद्घाटन भएको बाल बिवाह बिरुद्धको ५ बर्षे   अभियानको पहिलो बर्ष उपलब्धि मुलक रहेको अभियान कर्ताले बताएका छन् ।
भौतिक संरचना परिवर्तन गर्न आर्थिक लगानी गरे मात्र पनि हुने तर मानिसको सोचमा परिवर्तन गर्न सजिलो नरहेको अभियानको साझेदार युवा परिषदका प्रवक्ता मधव ढुंगेलले बताए ।

यस अभियानको एक बर्षमा धेरै सुधार भएको र मानिसहरुले बाल बिवाहको सम्बन्धमा केहि हद सम्म्  सोच परिवर्तन गरेको पैरवी वकालत म्यानेजर रबिन्द्र गौतमले बताए । यस दौरानमा सामुदायीक रेडियो मार्फत चलार्इएको ‘२० पछि बिहे’ अभियान निकै प्रभवकारी रहेको उनले बताए । यहि एक बर्षमा बाल बिवाह उन्मुलनका लागी ७७ जिल्लामा ११ हजार जनाको प्रतिवद्द्ता लिइएको सिन्धुपाल्चोक , नुवाकोट र गोरखामा बाक सामुदायिक पत्रकार द्वारा सचेतना कार्यक्रम चलाईएको, मोरङ उदयपुरमा बालबिवाह बिरुद्ध रणनिती तयार पारेको उनले बताए ।

यसै क्रममा प्रदेश नम्बर ३ सरकारले बाल बिवाह उन्मुलनका लागी बजेट छुट्याउने प्रतिबद्धता गरेको उनले थपे । यस अभियानको अबको योजना भनेको अन्तर्राष्ट्रिय संघ संस्थासँग सहकार्य गर्ने रहेको छ।