हरेक वडामा फ्री वाइफाइ !




२०७५ भदौ १४ बिहीवार
Newsdesk Shikharnews

काठमाडौं । बैतडीको दोगडाकेदार गाउँपालिकाका हरेक वडा कार्यालयमा इ–हाजिरी र इन्टरनेट जडान गरी फ्री वाइफाइ दिन लागिएको छ । गाउँपालिकाका ८ वडामा इ–हाजिरी र इन्टरनेट जडान गरिने गाउँपालिकाले जनाएको छ । चालु आर्थिक वर्षभित्रै गरिने गाउँपालिकामा फ्री वाइफाइ राखिने बताइएको छ ।

हरेक वडा कार्यालयका लागि प्रशासनिक खर्चवापत छुट्याइएको ५ लाख रुपियाँ बजेटबाटै इ–हाजिरी र इन्टरनेट जडान गर्न निर्देशन दिइएको छ । गाउँपालिकालाई प्रविधिमैत्री बनाउने उद्देश्यले उक्त कार्य गर्न लागिएको बताइएको छ ।

गाउँपालिका कार्यालयमा गत वर्ष नै इ–हाजिरी, इन्टरनेट र सिसिटिभी जडान गरिएको छ । कार्यालयको सबै कामलाई पारदर्शी ढङ्गले अगाडि बढाउन आधुनिक प्रविधिको प्रयोगमा गाउँपालिकाले जोड दिएको छ ।