प्रधानन्यायाधीशमा अस्वीकृत जोशीलाई विप्लव नेताको मुद्दा




२०७५ भदौ २९ शुक्रवार
NewsDesk Shikharnews

काठमाडौं, २९ । संसदीय विशेष सुनवाई समितिबाट प्रधानन्यायाधीशमा अस्वीकृत दीपकराज जोशीलाई शुक्रबार दुईवटा इजलास तोकिएको छ । उनलाई १ नम्बर एकल इजलास र सोही इजलासमा न्यायाधीश पुरुषोत्तम भण्डारीको संयुक्त इजलास तोकिएको हो ।

न्यायाधीश जोशीले शुक्रबार एकल इजलासमा नेत्रबिक्रम चन्द (बिप्लब) नेतृत्वको पोलिटब्युरो सदस्य मोहन कार्की (जीवन्त) र पत्रकार राजु बस्नेतको गैर न्यायिक हिरासत सम्बन्धी बन्दी प्रत्यक्षीकरण रिट निवेदनको सुनवाई गर्दैछन् ।

आगजनी, बिस्फोट र अबैध असुली मुद्दामा काभ्रे प्रहरीको हिरासतमा रहेका कार्की र बिद्युतीय कारोबार ऐन अन्तर्गत महानगरीय प्रहरी परिसरको हिरासतमा रहेका बस्नेतका आफन्तले सर्वोच्चमा निवेदन दिएका हन् ।