बढ्दै ठमेलको रौनक , अव २४ सै घण्टा खुलाउने तयारी




२०७५ असोज १२ शुक्रवार
Business NewsDesk

काठमाडौं । संस्कृति पर्यटन तथा नागरिक उड्डयनमन्त्री रविन्द्र अधिकारीले ठमेल क्षेत्र अब २४ सै घण्टा खुल्ला गर्ने तयारी भएको बताएका छन् । ३९ औं विश्व पर्यटन दिवसको अवसरमा ठमेल पर्यटन विकास परिषदले आयोजना गरेको ‘ठमेल सडक महोत्सव’मा मन्त्री अधिकारीले ठमेल पर्यटन हव भएको कारण २४ सै घण्टा खोल्ने तयारी भएको बताएका हुन् ।

 

त्रिभुवन अन्र्तराष्ट्रिय विमानस्थल अहिले दैनिक २२ घण्टा खुलाउन सफल भएको भन्दैे अव चांडै २४ घण्टा सन्चालनमा ल्याउने तयारी भएकोले पर्यटकहरु विमानस्थलबाट सिधै ठमेल आउने भएकाले २४ घण्टा सेवा सुविधा दिन ठमेल खुल्ला राख्नु पर्ने उनको भनाई थियो ।

ठमेललाई २४ घण्टा चल्ने पुर्वाधारको विकास गर्नुपर्नमा उनको जोड थियो । कार्यक्रममा ठमेल पर्यटन परिषदका अध्यक्ष समिर गुरुङले ठमेललाई विश्व मै परिचित गराउन सरकारले ठमेललाई कल्चरल पर्यटनको रुपमा विकास गराउने सरकारी स्तरबाटै सहयोग गर्नु पर्ने बताए ।

 

महोत्सवमा नेपालका जनजाति समुदायको सांस्कृतिक नृत्य, झांकी प्रस्तुत गरिएको थियो । चर्चित ‘डिजे’का मनोरञ्जनात्मक कार्यक्रमले ठमेलको रौनकता बढाएको थियो ।