बसभित्रै चुरोट पिउनेदेखि ट्वाइलेसटसम्म : काठमाडौँ–लुम्बिनी पर्यटकीय यातायात




२०७५ असोज २२ सोमवार
Newsdesk Shikharnews

काठमाडौँ । पहिलोपटक काठमाडौँदेखि प्रमुख पर्यटकीय गन्तव्य लुम्बिनीसम्म पर्यटकीय बस सञ्चालनमा आएको छ । पर्यटकलाई मध्यनजर राखेर ट्राभल नेपाल बस सर्भिसेज प्रालिले लुम्बिनीको लागि तीनवटा अत्याधुनिक र सुविधा सम्पन्न बस सञ्चालनमा ल्याएको हो ।

यसअघि काठमाडौँ–पोखरा बस सञ्चालन गरेको ट्राभल नेपालले आज बिहानदेखि काठमाडौँ–सुनौली हुँदै लुम्बिनीसम्म बस सञ्चालनमा ल्याएको हो । ट्राभल नेपालले यसअघि नै लुम्बिनी बस सञ्चालन गर्ने भनेपनि मुग्लिङ–नारायणघाटको बाटो र पूर्वाधारका कारण सञ्चालन गर्न सकेको थिएन ।

बस सञ्चालक प्रालिका अनुसार बसमा सुविधायुक्त सोफा सिट रहेको सहित चर्पीदेखि चुरोट पिउने कोठासम्म रहेका छन् ।

काठमाडौँको गौशालाबाट बिहान साढे ६ बजे लुम्बिनीका लागि छुट्ने बसको टिकट ट्राभल नेपाल अनलाइनमार्फत समेत लिन सकिने बताइएके छ ।

सात बस रहेको ट्राभल नेपालले चार बस पोखरामा सञ्चालन गर्दै आएको छ । देशको पर्यटन विकासका लागि काठमाडौँ–लुम्बिनी बस सेवाले ठूलो सहयोग पुग्ने बताइएको छ ।