प्रधानमन्त्री ओलीले कोजाग्रत पूर्णिमासम्मै टीका लगाइदिने
प्रधानमन्त्री केपी ओलीले आज पनि सर्वसाधारणलाई टिका लगाईदिदैछन् । दशैंको अवसरमा प्रधानमन्त्रीले कोजाग्रत पुर्णिमासम्म टिकालाई निरन्तरता दिन लागेका हुन् ।
प्रधानमन्त्री ओलीले आगामी मंगलबारसम्म प्रधानमन्त्री निवास बालुवाटारमा विहान नौ बजेदेखि एघार बजेसम्म टिका लगाईदिने उनको सचिवालयले जानकारी दिएको छ । यसअघि राष्ट्रपति र पूर्व राजाले टिकाको दिन सर्वसाधारणलाई टिका लगाइदिने गरेका थिए ।
प्रधानमन्त्री ओलीले भने यो पटक टिकाको दिनदेखि पुर्णिमाको दिनसम्म टिका लगाइदिन लागेका हुन ।शुक्रबार पनि प्रधानमन्त्री ओलीले सांसद, कार्यकर्ता तथा सर्वसाधारणलाई टिका लगाईदिएका थिए ।