भागेका चोर पक्राउ




२०७५ कात्तिक १५ बिहीवार
Newsdesk Shikharnews

काठमाडौं । बाँकेको राजापुरमा प्रहरीले चोरी मुद्दामा दोषी ठहरिएर भागेका एक चोरलाई पक्राउ गरेको छ । प्रहरीले राजापुर नगरपालिका–१ हिमालीपुर बस्ने २३ वर्षीय डोरबहादुर घर्तीलाई पक्रेको हो ।

जिल्ला अदालत बाँकेले चोरी मुद्दामा दोषी ठहर गर्दै एक महीना १५ दिन कैद र ९५ हजार ४ सय रुपैयाँ जरिवाना तोकेको थियो ।

धरौटी बुझाएर कैद सजाय भुक्तान नगरी फरार रहेका थिए । उनलाई प्रहरीले राजापुर नगरपालिका–१ हिमालीपुर सोनपुरबाट सुराकीको सहयोगमा पक्राउ गरी अदालतमा बुझाएको हो ।