पाेखरा प्रिमियर लिग: बुटवल ब्लास्टर्सलाई १ सय ७३ रनको लक्ष्य




२०७५ कात्तिक १६ शुक्रवार
Newsdesk Shikharnews

कास्की, १६ कात्तिक । नरेश बुढाएरको अर्धशतकिय पारीसँगै पीपीएल क्रिकेटमा हुलास काठमाडौंले बुटवल ब्लास्टर्सलाई १ सय ७३ रनको विजयी लक्ष्य पेश गरेको छ । टस जीतेर ब्याटिङ गर्ने निर्णय गरेको काठमाडौले निर्धारित २० ओभरमा ४ विकेट गुमाएर १ सय ७२ रन बनाउन सक्यो । काठमाडौंका लागि नरेश बुढायरले ५८ रनको अर्धशतकिय पारी खेले । २८ बल खेलेका बुढायरले ३ चौका र ५ छक्का प्रहार गर्दा नटआउट रहे । जयकिसान कोल्सायलले ४५ रनको योगदान दिए । पवन सराफ २२, गौरभ तमोरले ११ र ज्ञानेन्द्र मल्ले नटआउट २५ रन बनाए ।

बुटवलका लागि बिपिन कार्कीले २ विकेट लिए । रोहन मुस्ताफा र संसद शेखले समान एक एक विकेट लिए । यसअघि आजै भएको पहिलो खेलमा दिपेन्द्रसिंह ऐरीको कप्तानी पारीसँगै एक्सपर्ट धनगढी ब्लुजले घरेलु टिम पोखरा पल्टनलाई २ विकेटले पराजित गरेको छ । बलर चम्केको खेलमा अन्तिम समय दिपेन्द्रले आफ्नो ब्याट कौशल प्रदर्शन गर्दै खेललाई आफ्नो पक्षमा पार्न सफल भए ।

टस हारेर पहिला फिल्डिङ गरेको धनगढीका कमलसिंह ऐरीले उत्कृष्ट बलिङ गरेपछि पोखरालाई निर्धारित २० ओभरमा १ सय ४४ रनमा रोक्न सफल भयो । पोखराले १ सय ४४ रन बनाउन ८ विकेट गुमाएको थियो । कमलसिंह ऐरीले ४ ओभरमा १ मेडेन राख्दै २३ रन खर्चेर ४ विकेट लिए ।

१ सय ४५ रनको विजयी लक्ष्यका साथ मैदानमा उत्रेको धनगढीको सुरूवात राम्रो हुन नसके पनि अन्तिम समयमा कप्तान ऐरीले खेललाई आफ्नो पक्षमा पार्न सफल भए । धनगढीका ओपनर दिलिप नाथ ४ र सुवेन्दु पाण्डे २२ रनमा आउट भए । ५३ रनको योगदान गरेका पीडी ट्रेगोले बलिङमा पनि राम्रो प्रदर्शन गरे । कप्तान दिपेन्द्रसिंह ऐरी ४९ रनमा नटआउट रहे । पोखराका लागि रासिद खानले सर्वाधिक ४ विकेट हात पारे । ४ ओभर बलिङ गरेका खानले २४ रन खर्चे । पोखराका लागि ललित राजवंशीले २ र बिक्रम भुषालले २ विकेट लिए । टस जीतेर ब्याटिङ गरेको पोखराका लागि आरिफ सेखले २३, रविन्दै सिंहले २८ र राहित पौडेलले ३१ रन बनाए । पोखराका अन्य ब्याट्सम्यानले राम्रो प्रदर्शन गर्न सकेनन् ।

धनगढीका पीढी टे«गो, डेन लोयर्स र रोबिन क्षेत्रीले समान एक एक विकेट लिए । खेलको म्यान अफ द म्याच दिपेन्द्रसिंह ऐरी नै घोषित भए । पाँच खेलमा तीन खेल जीतेको धनगढीले नकआउट चरणको सम्भावना बलियो बनाएको छ ।