समय पनि यस्तो किन ? (कविता)




२०७५ कात्तिक १७ शनिवार
Newsdesk Shikharnews

विजय तिमिल्सिना

न उदाउँदै अस्ताउँछ
समय पनि यस्तो किन ?
छट्पटी भै-रहेछ
आउँछ कि त ! काल लिन !!

उजाड छ वसन्त पनि
पसिना निकाल्ने कस्तो सिशिर
चलीरहेको ढुकढुकि
एका एक भयो स्थिर !!

दिन जस्तै रात पनि
अनिन्द्रामा बितिदिन्छ
यसो आँखा लाग्यो कि
सपना खराब देखिन्छ !!

पर पर भए आफन्त
पराइसँग के जोडनु नाता
सबैलाई हेर्दै थिए
एका-एक चिम्म भए आँखा !!

न उदाउदै अस्ताउँ छ
समय पनि यस्तो किन ?
छट्पटी भै रहेछ
आउँछ कि त काल लिन !!