नमो क्षेत्रपाल आयुर्वेद हेल्थ होमकाे निशुःल्क स्वास्थ्य शिविर सम्पन्न !




२०७५ कात्तिक २० मंगलवार
Newsdesk Shikharnews

काठमाडाै, २० कात्तिक । स्वयम्भूमा रहेको नमो क्षेत्रपाल आयुर्वेद हेल्थ होमले निशुःल्क स्वास्थ्य शिविर कार्यक्रम सम्पन्न गरेको छ । धन्वन्तरि दिवसको उपलक्ष्यमा शुभदिपावली तथा छठ पर्वको शुभकामनासहित निःशुल्क स्वास्थ्य शिविर आयोजना गरिएको संचालक रविन खत्रीले जानकारी दिए। ‘आयुर्वेद प्राकृतिक तथा मौलिक चिकित्सा उपचार पद्धति हो ! यसको उपयोग गरौ अनि सँधै स्वस्थ रहौं ’ भन्ने नाराका साथ गत असोज २० गतेदेखि संचालनमा आएको यस संस्थाले यसअघि पनि शुभारम्भकै दिन पनि निःशुल्क स्वास्थ्य परिक्षण तथा औषधि वितरण आयोजना गरेको थियो ।

सोमबार बिहान ८ बजेखि दिउँसो ४ बजेसम्म स्वास्थ्य शिविरमा करिब ४ सय जनाले उपचार गराएका थिए । स्वयम्भू बुद्धपार्कस्थित नमो क्षेत्रपाल आयुर्वेदको प्रांगनमा स्वास्थ्य परिक्षण आयोजना गरिएको हो । उक्त निःशुल्क स्वास्थ्य शिविरमा पाइल्स, फिस्टुला, फिसर, जन्डीस, ग्याष्ट्रिक, अल्सर तथा कब्जियतको जाँच गरिएको थियो । त्यस्तै, पिनास, माइग्रेन, डराउने, मन आत्तिने, अनिद्रा, स्त्रीरोग, धातु तथा यौन रोग, मुत्ररोग, जोर्नी दुख्ने, हात खुट्टा पोल्ने, सिल्का हान्ने, बाँउडिने, नशाको समस्या, बाथ रोग तथा युरिक एसिडको पनि जाँच गरिएको संचालक खत्रीले जानकारी गराए ।

त्यस्तै, उच्च/निम्न रक्तचाप, मधुमेह, मोटोपना घटाउने/बढाउने, सेतो दुवी, चाँया पोतो, डण्डिफोर, पेटमा हुने सेतो धर्सा लगायत विभिन्न रोगहरुको निःशुल्क स्वास्थ्य जाँच गरिएको थियो ।निःशुल्क जाँचपछि कतिपय औषधिमा भारी छुट समेत दिएको थियो । आगामी दिनहरुमा दुरदराजका स्थान रामेछापका बिभिन्न गाउपालिका र नगरपालिका मा दुःखी गरिवहरुलाई लक्षित गरी देशका विभिन्न स्थानमा यस्ता स्वास्थ्य शिविर आयोजना गर्ने तयारी पनि गरिएको संस्थाकी अध्यक्ष समिता केसीले बताईन् । ।