तीनहप्ता अघि मृत्यु भएका उम्मेद्वार विजयी भएपछि…




२०७५ कात्तिक २२ बिहीवार
Newsdesk Shikharnews

एजेन्सी । अमेरिकामा बुधबार सकिएको मध्यावधि चुनावमा सबैलाई चकित तुल्याउने एउटा घटना भएको छ । मध्यावधि चुनावमा तीन हप्ताअघि नै मृत्यु भएका एक उम्मेदवार विजयी भएका छन् ।चुनाव विजयी हुने व्यक्ति ७२ वर्षीय डेनिस होफ हुन् । अमेरिकाका विभिन्न ठाउँमा कानुनी रुपमा वेश्यालय चलाएका छन् । ७२ वर्षीय होफ नेभादाबाट चुनाव लड्दै थिए । गएको १६ अक्टोबरमा आफ्नै वेश्यालयमा जन्मदिन मनाएपछि उनको मृत्यु भएको थियो । उनी ट्रम्पको पार्टी रिपब्लिकनबाट उम्मेदवार बनेका थिए ।

उनको मृत्यु भए पनि ब्यालेटबाट उनको नाम हटाइएको थिएन । उनलाई ६८ प्रतिशत भोट प्राप्त भएको छ । होफले डेमोक्रेटिक उम्मेदवार लेसिया रोमनोवलाई ठूलो अन्तरले हराए ।