कांग्रेसको केन्द्रीय समिति बैठक आजपनि जारीः निष्कर्षमा पुग्न हम्मे हम्मे

२०७५ मंसिर १८ मंगलवार
Newsdesk Shikharnews

काठमाडौं, १८ मंसिर । नेपाली कांग्रेसको विधान मस्यौदामाथि सहमति जुटाउन तीन दिनदेखि जारी केन्द्रीय कार्यसमितिको बैठक आजपनि बस्दैछ । पार्टीलाई नयाँ संरचनामा स्थापित गराउने गृहकार्यमा जुटेको कांग्रेसले विवादित केही बिषयमा सहमतिको खोजिरहेको बताएको छ । बैठक पार्टीको केन्द्रीय कार्यालय सानेपामा ११ बजेका लागि बोलाइएको छ ।

विधान मस्यौदामा संस्थापन र इतरपक्षको फरक मत रहेको छ । केन्द्रीय पदाधिकारी संख्या बढाउने बिषयमा निर्वाचन प्रणाली मार्फत जाने की सभापतिको अधिकार क्षेत्र फराकिलो बनाउने भन्ने बिषयमा मतभेद रहेको छ । पार्टीको विधानलाई समयसापेक्ष रुपमा ढाल्नका निम्ति घनिभुत छलफल भइरहेको र चाँडै निष्कर्षमा पुगिने कांग्रेस नेता मीन विश्वकर्माले जानकारी दिए ।

हिजोसम्म ३१ जना केन्द्रीय सदस्यले बोलिसकेको र आजको बैठकमा निरन्तरता दिईने नेता विश्वकर्माले बताए । पार्टीको केन्द्रीय पदाधिकारी संख्या, सभापतिको क्षेत्राधिकारका बिषयमा सभापति शेरबहादुर देउवा र बरिष्ठ नेता रामचन्द्र पौडेल पक्षबीच फरक मत रहँदै आएको छ । संस्थापनले समावेशिताका आधारमा केन्द्रीय पदाधिकारी संख्या बढाउने प्रस्ताव अघि सारेको छ ।

संस्थापनइतर पक्षले ११ जना केन्द्रीय पदाधिकारीलाई निर्वाचनका माध्यमबाट ल्याउनुपर्ने बताएको छ । सभापति देउवासबै पदाधिकारीलाई निर्वाचनको प्रणली मार्फत् ल्याउन नसकिने बताउँदै आएका छन् । महासमितिको मिति नजिकिँदै जाँदा छलफललाई निष्कर्षमा पु¥याउने बैठकको तयारी छ ।