काठमाडौं, पौष १२। सर्वोच्च अदालतका प्रधानन्यायाधीशका लागि प्रस्तावित चोलेन्द्रशमशेर जवराविरुद्ध परेका उजुरीबारे संसदीय सुनुवाई विशेष समितिले आज जानकारी गराएको छ ।
संसदीय सुनुवाई समितिमा प्रस्तावित न्यायाधीशको सुनुवाईका लागि समितिले केही उजुरी भए दिन बुधबारसम्मको समय तोकेको थियो ।
यो अवधिमा परेका उजुरीबारे जानकारी दिन आज सुनुवाइ समितिको बैठक बसेको थियो । समितिमा न्यायाधीश जबराविरुद्ध ९ वटा उजुरी परेका छन् । जबरालाई गएको मंसिर २७ गते संवैधानिक परिषदले संसदीय सुनुवाईका लागि सिफारिस गरेको थियो ।
अब सुनुवाई समितिले जबराको नाम अनुमोदन गरेमा उनी प्रधानन्यायाधीश बन्नेछन् । यसअघि संसदीय सुनुवाइ विशेष समितिले न्यायाधीश दीपकराज जोशीलाई अस्वीकृत गरेको थियो ।
Leave a Reply