डडेल्धुरा, १४ पुस । डडेल्धुराको बागबजारमा गएराती आगलागी हुँदा २० लाखभन्दा बढीको क्षति भएको छ । बागबजारस्थित लक्ष्मी किराना पसलबाट आगलागी हुदाँ २० लाख भन्दा बढीको क्षति भएको जिल्ला प्रहरी कार्यालय डडेल्धराले जनाएको छ ।
प्रहरीका अनुसार क्षतिको एकिन विवरण भने आउन बाँकी रहेको छ । प्रहरीले विद्युत् सर्ट हुँदा आगलागी भएको हुन सक्ने आशंका गरेको छ । आगलागीबाट किराना पसलको गोदाममा रहेका सरसामानसहित नगद जलेर नष्ट भएको सञ्चालक नारायण भट्टले बताए । अमरगढी नगरपालिकाको दमकल, प्रहरी र स्थानीयवासीले आगोलाई नियन्त्रणमा लिएका थिए ।
