काठमाडौं । विश्वभर पारमाणविक भट्टी स्थापना निरुत्साहित गर्ने अभियान चलिरहेका बेला नेपाल भने इजाजत दिने बाटोमा अघि बढेको छ।
सरकारले संघीय संसदमा ‘पारमाणविक तथा रेडियोधर्मी पदार्थको सुरक्षित तथा शान्तिपूर्ण प्रयोग गर्ने सम्बन्धी बनेको विधेयक–२०७५’ दर्ता गराएको छ । विधेयक दर्ता भएपछि पारमाणविक भट्टी स्थापनाका लागि कानुनी बाटो खुल्न लागेको हो ।
संसदमा दर्ता भएको विधेयकमा नेपालले कानुन नबनाएका कारण अहिलेसम्म पारमाणिक भट्टी र रेडियोधर्मी पदार्थको स्थापना, उत्पादन, ओसारपसार, आयातमा समस्या पर्दै आएको छ ।
त्यसैकारण भट्टी स्थापनाका लागि विधेयक ल्याउनुपरेको सरकारी अधिकारी बताउँछन्। संसदमा दर्ता भएको विधेयकको पक्षविपक्षमा बहस सुरु भएको छ।
Leave a Reply