सावधान खुट्टा फट्याउन पाइदैन है

२०७५ माघ १६ बुधवार
Newsdesk Shikharnews

नेपालमा सार्वजनिक सवारी त्यती ब्यवस्थित छैन । तर केहि सुधारका प्रयासहरु नभएका होइनन् पनि । महिला र बृद्धबृद्धाका लागि आरक्षण र लाइनमा बसेर सवारीसाधन चढ्नु वा ओर्लनु पर्ने जस्ता केही सुधार पनि निरन्तर भइरहेको छ । उता, स्पेनको राजधानी मड्रिडमा नेपालको भन्दा केहि भिन्न सार्वजनिक यातायात अनुशासन रहेको छ । स्पेनको यातायात विभागले मड्रिडमा त्यस्ता पुरुष यात्री विरुद्ध विशेष कारवाही अभियान नै चलाएको छ, जसले सार्वजनिक सवारीमा यात्रा गर्दा खुट्टा फैलाएर सिटको प्रयोग गर्दछन् ।

मड्रिडमा बस सेवा प्रदायक इम्प्रेसा म्यूनिसिपल डे ट्रान्सपोर्टेस ‘इएमटी’ले सार्वजनिक सवारीमा नयाँ संकेतहरु लगाएको छ, जसमा पुरुषलाई सिटमा खुट्टा फैलाएर बस्न प्रतिबन्धित रहेको सन्देशहरु लेखिएका छन् । इएमटीका अनुसार यी संकेतहरुको उद्देश्य पुरुष यात्रीलाई बसमा यात्रा गर्दा अन्य यात्रीको ख्याल राख्न र खुट्टा फैलाएर नबस्न सचेत गराउनु रहेको छ । यस्तै प्रकारको अभियान मड्रिड शहरको मेट्रो प्रणालीमा पनि लागू गरिएको छ । मड्रिडमा महिलाहरुको एक समुह यो अभियानमा सक्रिय छ । उनीहरुको मुख्य माग नै पुरुष यात्रुले सार्वजनिक सवारीको सिट प्रयोग गर्दा खुट्टा पैmलाएर बस्न नहुने नियमको कार्यान्वयन गर्नु हो ।

Loading...