विराटनगर २०,माघ। विराटनगर विमानस्थलबाट डिजेल चोरी गरेको आरोपमा प्रहरीले एकै परिवारका तीन सहित चार जनालाई पक्राउ गरेको छ ।
विराटनगर एयरपोर्टबाट डिजेल चोरी गरेको आरोपमा प्रहरीले विराटनगर– ४ का १८ बर्षिय मकेश यादव, २२ बर्षिय अमित यादव, १९ बर्षिय रामचन्द्र यादव र ४८ बर्षिय भोला यादवलाई पक्राउ गरेको हो ।
विराटनगर बिमानस्थलमा चौकीदारको रुपमा काम गर्दै आएका भोलाकै योजनामा अन्य तीन जनाले डिजेल चोरी गरेको र पक्राउ परेका चार जनालाई मुलुकी अपराध संहिता २०७४ अनुसार चोरी मुद्दामा म्याद थप गरी अनुसन्धान सुरु गरिएकोजिल्ला प्रहरी कार्यालय मोरङ ले जनाएको छ।
