OMG चाइनामा भेटियो विश्वकै ठूलो लामखुट्टे

२०७५ माघ २३ बुधवार
Newsdesk Shikharnews

चीनमा विश्वकै सबैभन्दा ठूलो दावी गरिएको लामखुट्टे भेटिएको छ । सिचुआन प्रान्तका जिव वैज्ञानिकहरुको लामो प्रयासपछि उक्त लामखुट्टे बारे जानकारी आएको हो । पखेटा फैलाउदा यो लामखुट्टेको आकार ११ दशमलब एक पाँच सेन्टिमिटर पुग्छ । हालोरुसिया मिकादो प्रजातिको यो लामखुट्टे सबैभन्दा पहिले जापानमा देखिएको थियो ।

 

चीनमा गत अगष्टमा पहिलोपटक यो प्रजातिको लामखुट्टे फेला परेको हो । यो लामखुट्टे देख्दामा निकै डरलाग्दो देखिन्छ । तर यसले मानिसको रगत चुस्दैन । फलफूलको रसलगायतका साकाहारी वस्तु नै यसका मूख्य आहारा हुन् । विज्ञहरुका अनुसार विश्वमा लामखुट्टेका हजारौँ प्रजाति छन् । त्यसमा झन्डै १ सय जति प्रजातिका लामखुट्टेले मात्र मानिसको रगत चुस्ने तथा अन्य खाले स्वास्थ्य समस्या सिर्जना गर्ने गर्दछन् ।