इस्लामिक स्टेटले नियन्त्रण गरेको भूभागलाई चाँडै पूर्ण रुपमा मुक्त गर्ने ट्रम्पकाे दाबी

२०७५ माघ २४ बिहीवार
Newsdesk shikharnews

एजेन्सी ।अमेरिकी राष्ट्रपति डोनाल्ड ट्रम्पले सिरिया र इराकमा इस्लामिक स्टेटले नियन्त्रण गरेको भूभागलाई चाँडै पूर्ण रुपमा मुक्त भएको घोषणा गरिने बताएका छन् ।

ट्रम्पले अर्को सातासम्म यस्तो घोषणा हुनसक्ने बताएका हुन् । तर, अमेरिकी सैनिक तथा गुप्तचार अधिकारीहरुले प्रति आतंकवादी दबाब निरन्तर रुपमा नभए इस्लामिक स्टेटको पुनरागमन हुनसक्ने चेतावनी दिएका छन् ।

डिसेम्बर महिनामा ट्रम्पले इस्लामिक स्टेट पराजित भैसकेको भन्दै सिरियाबाट तीस दिनभित्र अमेरिकी सैनिक फिर्ता गर्ने घोषणा गरेका थिए । जुन घोषणाले इस्लामिक स्टेटविरुद्धका संघर्षमा अमेरिकालाई साथ दिँदै आएका साझेदार देशहरुलाई आश्चर्यमा पारेको थियो ।

अमेरिकी उच्च रक्षा अधिकारीहरुको राजिनामा, रिपब्लिकन पार्टी र साझेदार विदेशीहरुले ट्रम्पको आलोचना गरेपछि सैनिक फिर्तिको गतिलाई सुस्त बनाइएको छ ।