कोटेश्वरमा बसले ठक्कर दिंदा पैदलयात्रीको मृत्यु, चालक फरार

२०७५ माघ २८ सोमवार
Newsdesk Shikharnews

काठमाडौं । काठमाडौंको कोटेश्वर सडकखण्डमा एक पैदलयात्रुको दुर्घटनामा परी मृत्यु भएको छ । सोलुखुम्बु घर भई गैरीगाँउ बस्दै आएका ४९ वर्षका पदम कार्कीलाई ठक्कर दिएपछि मृत्यु भएको हो ।
आज सोमबार बिहान साढे ५ बजे कोटेश्वरवाट एयरपोर्ट तर्फ जादै गरेको बा३ ख ७०५७ नम्बरको बसले पैदल यात्री काकीलाई ठक्कर दिएको थियो । बसको ठक्करपछि गम्भीर घाइते भएका कार्कीलाई मेडिकल कलेज सिनामंगल लगिएको थियो ।

उनको उपचारको क्रममा मृत्यु भएको प्रहरीले जनाएको छ । ठक्कर दिने बस महानगरीय प्रहरी बृत गौशालाको नियन्त्रमा रहेको र बस चालक फरार रहेको प्रहरीले जनाएको छ।

Loading...