विराटनगरमा हुने साफ महिला च्याम्पियनसिपको लागि अन्तिम टोलीको घोषणा

२०७५ फागुन २३ बिहीवार
Newsdesk Shikharnews

काठमाडौं २३,फागुन। यसै महिना विराटनगरमा हुने साफ महिला च्याम्पियनसिपको लागि नेपाली राष्ट्रिय महिला फुटबल टोलीको घोषणा गरीएको छ।नियमित कप्तान अनु लामा भने टीममा परीनन् । मुख्य प्रशिक्षक हरि खड्काले बिहीबार घोषणा गरेको २० सदस्यीय अन्तिम टोलीमा अनुको अनुपस्थितिमा निरु थापाले कप्तानी सम्हाल्नेछिन् ।

फागुन २८ देखि सुरु हुने साफ च्याम्पियनसिपमा नेपालको समूहमा भुटान र बंगलादेश रहेका छन् । अन्तिम टोलीमा ६ खेलाडी यू-१९ उमेर समूहको टोलीका सदस्य हुन् ।

नेपाली टोली

गोलरक्षक – एन्जिला तुम्बापो सुब्बा, अन्जना रानामगर, उषा नाथ
डिफेन्डर – हिराकुमारी भुजेल, गीता राना, पुनम जर्घामगर, अमृता जैसी, कविता धिमाल, पुजा राना, मनमाया लिम्बु

मिडफिल्डर – अनिता बस्नेत, दिपा राई, मन्जली कुमारी योन्जन, शर्मिला थापा, सरु लिम्बु, रेनुका नगरकोटे, अनिता केसी
फरवार्ड – रेखा पौडेल, निरु थापा (कप्तान), सावित्रा भण्डारी