गगन थापाले भने, सभापतिले गुट बनाउनु विधान विपरित

२०७५ फागुन २७ सोमवार
Newsdesk Shikharnews

काठमाडौं । नेपाली कांग्रेसका युवा नेता गगनकुमार थापाले पार्टीभित्र देखिएका गुटउपगुट अन्त्य गर्नुपर्ने बताएका छन् । संघीय संसद्, प्रतिनिधिसभाको बैठकपछि थापाले पार्टीको सभापति सबैको सभापति हो, सभापति नहुँदा गुटउपगुट बनाउन नमिल्ने बताए । तर सभापति हुँदा पनि गुट बनाउनु विधान विपरित हुन्छ, त्यसैले त्यसको अन्त्य गरिनुपर्छ ।”

नेता थापाले सरकारले स्वतन्त्र मधेश गठबन्धनका संयोजक चन्द्रकान्त राउत (सिके) समूहसँग गरेको सम्झौताका विषयमा आपत्ति जनाए । “सहमति पत्र सार्वजनिक गर्ने क्रममा प्रधानमन्त्री र नेकपाका अन्य नेताहरु समेत आफैँ सहभागी हुनुभएको छ, त्यस बारेमा सरकारले चित्त बुझ्दो जवाफ दिनुपर्छ”, थापाले भने ।

शुक्रबार सरकारको तर्फबाट गृहमन्त्री रामबहादुर थापा र डा स्वतन्त्र मधेश गठबन्धनको तर्फबाट संयोजक सिके राउत समूहसँग ११ बुँदे सहमति भएको थियो ।