किन लगाइयो विप्लवमाथि प्रतिबन्ध ?

२०७५ फागुन २९ बुधवार
Newsdesk Shikharnews

काठमाडौं । सरकारले नेत्रविक्रम चन्द ‘विप्लव’ ले नेतृत्व गरेको नेकपाका सम्पूर्ण गतिविधिलाई प्रतिबन्ध लगाउने निर्णयसँगै राजनीतिक तरंगमा बहस शुरु भएको छ ।

संविधानविपरीत हिंसात्मक गतिविधिमा संलग्न भएको भन्दै मंगलबार बसेको मन्त्रिपरिषद् बैठकले प्रतिबन्ध लगाउने निर्णय गरेको हो।

सिके राउतसँग वार्ता गरेको सरकारलाई विप्लवसँग पनि वार्ता गरी समस्या समाधान गर्नुपर्नेमा सर्वसाधारणको जोड छ । ट्विटर, फेसबुकमा रोक लगाउने निर्णयको विरोध भएको छ । वार्ताबाटै सबै कुराको समाधान गर्न बुद्धिजिवी, आम सर्वसाधारणको सुझाव छ ।

विप्लव समूहले आपराधिक क्रियाकलाप गरेको, विकासका पूर्वाधारमाथि बम विस्फोट गराएको, व्यक्तिको शान्तिसुरक्षामा असर पुराएको भन्दै प्रतिबन्ध लगाउने निर्णय गरेको स्रोतले जनाएको छ।

Loading...