प्रधानमन्त्री ओलीले भिक्षु अश्वघोषलाई अस्पतालमै पुगी भेट, खर्च सरकारले व्यहोर्ने

२०७५ फागुन ३० बिहीवार
Newsdesk Shikharnews

काठमाडौं । प्रधानमन्त्री केपी शर्मा ओलीले बुद्ध धर्मका ज्येष्ठ संघ नायक भिक्षु अश्वघोषको स्वास्थ्य अवस्थाको जानकारी लिएका छन् ।

ग्राण्डी अस्पताल पुगेर प्रधानमन्त्री ओलीले स्वास्थ्यलाभको कामना गरेका छन् । अस्पतालको व्यवस्थापन, चिकित्सकहरुलाई स्वास्थ्य उपचारमा कुनै कसर बाँकी नराख्न प्रधानमन्त्री ओलीले आग्रह गरे ।

प्रधानमन्त्री ओलीको साथमा पत्नी राधिका शाक्य पनि स्वास्थ्य लाभको कामना गर्न अस्पताल पुगेकी थिइन । प्रधानमन्त्री ओलीले भिक्षु अश्वघोषको उपचारको सम्पूर्ण खर्च सरकारले ब्योहोर्ने बताए ।

९३ बर्षीय भिक्षु अश्वघोष ध्यानकुटी बिहार बनेपाको प्रमुख र क्षेत्रपाटी संघाराम बिहारका संस्थापक हुन् । उनी राष्ट्रियसभाका पूर्व सदस्यसमेत हुन् । झाडापखाला, वान्ता आउने र रक्तचाप सम्बन्धी समस्या भएर दुई साता देखि अस्पतालमा उपचाररत छन् ।