राजस्थान रोयल्सद्धारा पहिलो जित दर्ता

२०७५ चैत २० बुधवार
Newsdesk shikharnews

काठमाडौं । भारतमा जारी इण्डियन प्रिमियर लिग आईपीएल क्रिकेटमा राजस्थान रोयल्सले पहिलो जित निकालेको छ ।गएराति भएको खेलमा रोयल च्यालेन्जर्स बैंग्लोरलाई ७ विकेटले पराजित गर्दै राजस्थानले पहिलो जित निकाल्न सफल भएको हो ।

जयपुरमा जारी खेलमा बैंगलोरले दिएको १ सय ५९ रनको लक्ष्य राजस्थानले १९ ओभर ५ बलमा ३ विकेट गुमाएर पुरा गरेकोे थियो ।उसको जितमा जोस बट्लरले ५९ रनको योगदान दिए । यसैगरी स्टिभ स्मिथले ३८ रन जोड्दा राहुल त्रिपाठी ३४ रनमा अविजित रहे ।यसअघि टस हारेर पहिले ब्याटिङ गरेको बैंग्लोरले २० ओभरमा ४ विकेट गुमाएर १ सय ५८ रन बनाएको थियो ।