ओरेन्टल सहकारीका सञ्चालक सुधीर बस्नेत पक्राउ

२०७५ चैत २१ बिहीवार
Newsdesk Shikharnews

काठमाडौं । घरजग्गा व्यवसायी तथा ओरेन्टल सहकारीका अध्यक्ष सुधीर बस्नेत पक्राउ परेका छन् । उनलाई काठमाडौंको भीमसेनगोलाबाट पक्राउ गरिएको प्रहरी परिसर काठमाडौंले जनाएको छ ।

समस्याग्रस्त सहकारीहरुको छानबिन समितिले दिएको प्रतिवेदनको आधारमा पक्राउ परेको प्रहरीले जनाएको छ । बस्नेतमाथि वचतकर्ताको १४ करोडभन्दा धेरै रकम हिनामिना गरेको आरोप छ । उनले धेरैजनाको रकम हिनामिना गरेको आरोप लाग्दै आएको छ ।

व्यवसायी बस्नेत यसअघि पनि ठगी प्रकरणमा जेल परेका थिए । उनलाइ काठमाडौं प्रहरी परिसर, टेकुको टोलीले पक्राउ गरेको हो । काठमाडौंको भीमसेनगोलामा बैठक बसिरहेको बेला प्रहरीले नियन्त्रणमा लिएको प्रहरीले जनाएको छ ।