काठमाडौँमै उत्कृष्ट बन्ने अम्बे सहकारीको प्रतिबद्धता

२०७५ चैत २३ शनिवार
NewsDesk ShikharNews

शनिबार काठमाडौँको मित्रपार्कस्थित गोल्डेन लाइट पार्टी प्यालेसमा अम्बे बचत तथा सहकारी संस्थाको सातौँ वार्षिक साधारण सभा सम्पन्न भएको छ । पूर्व कृषि मन्त्री तथा सांसद हरिबोल गजुरेलको प्रमुख आतिथ्यतामा सम्पन्न साधारण सभामा सहकारीका अध्यक्ष प्रेम कुमार बर्माले वार्षिक प्रतिवेदन प्रस्तुत गरेका थिए ।

अध्यक्ष बर्माले वार्षिक प्रतिवेदन प्रस्तुत गर्दै सहकारीका आगामी योजना सार्वजनिक गरेका छन् । अम्बे सहकारीलाई काठमाडौँकै उत्कृष्ट सहकारी बनाउने, सेयर सदस्य संख्या २ हजार पुर्याउने, रेमिट्यान्स थप्ने, परोपकार अक्षयकोष स्थापना गर्ने लगायतका आगामी योजना रहेको अध्यक्ष बर्माले बताए ।

त्यस्तै कार्यक्रममा सहकारीका कोषाध्यक्ष विनोद चौलागाईले आय व्यय र आर्थिक वर्षको प्रतिवेदन र ऋण उप–समितिको प्रतिवेदन प्रस्तुत गरे ।

कार्यक्रमका प्रमुख अतिथि पूर्वमन्त्री तथा सांसद गजुरेलले सहकारीको माध्यमबाट अम्बे बचतले नागरिकको आर्थिक विकासमा भूमिका खेल्नु पर्ने बताए । आर्थिक क्रान्तिका लागि सहकारी निकै राम्रो र उत्कृष्ट माध्यम रहेको उनको भनाई थियो ।

Loading...