नेपालमा पहिलो पटक ‘मिडिया, कम्युनिकेसन र एड्भर्टाइजिङ एक्स्पो – २०१९’

२०७५ चैत २५ सोमवार

काठमाडौँ  यहि चैत्र २८, २९  र ३० गते काठमाडौँको भृकुटी मण्डपमा ‘मिडिया, कम्युनिकेसन र एड्भर्टाइजिङ एक्स्पो – २०१९’ तथा ‘अन्तरास्ट्रिय मिडिया सम्मेलन’ हुने भएको छ । यो कार्यक्रममा करिब १९ देशबाट सहभागिता रहने भएको छ ।

नेपाल सरकारले आमसंचार विकासमा लिएको लक्ष्य पुरा गर्न यस एक्स्पो कोसे ढुंगा सावित हुने आयोजकको विश्वास छ। यसमा सुचना-संचार-प्रविधि सम्बन्धि कम्पनीहरु,  निजि तथा सरकारी- गैरसरकारी संघ संस्था हरु, ति संघ-संस्था संग सम्बन्धित व्यक्तिहरु लगायातका व्यक्तिहरु सहभागी हुने छन।

‘मिडिया, कम्युनिकेसन र एड्भर्टाइजिङ एक्स्पो – २०१९’ भईरहदा ‘अन्तरास्ट्रिय मिडिया सम्मेलन’ पनि हुने हुदा यसमा ४५ भन्दा बढी विज्ञहरु, सरोकारवालाहरू, मिडिया क्षेत्रमा लगानी गर्ने लगानीकर्ताहरुले कार्यपत्र प्रस्तुत गर्नुका साथै विभिन्न विषमा छलफल गर्ने भएका छन्।  मिडिया सम्मेलनमा देश तथा विदेशबाट ४५० भन्दा बढी सहभागी हुने अनुमान आयोजकको छ ।

Loading...