महाधिवेशनको मिति अन्योलमा, आन्दोलनको मुडमा राजपा

२०७५ चैत २९ शुक्रवार
NewsDesk ShikharNews
राष्ट्रिय जनता पार्टी (राजपा) को महाधिवेशन बैशाख पहिलो साता नहुने पक्का भएको छ। आन्तरिक विवादका कारण महाधिवेशन निधारित मितिमा नहुने निश्चित भईसकेको छ । राजपाले महाधिवेशन समेत गर्ने नसकेको वेला सरकारविरुद्ध आन्दोलनका कार्यक्रम सार्वजनिक गरेको छ ।
राष्ट्रिय जनता पार्टी राजपा राजनीतिक समितिको गत असारमा बसेको बैठकले बैशाख ७, ८ र ९ गते महाविधेशन गर्ने निर्णय गरेको थियो । महाधिवेशन मिति तय भएको ९ महिना भइसक्दा पनि साधारण र सक्रिय सदस्यता वितरण हुन सकेको छैन ।
तोकिएको अवधिभित्र सदस्यता वितरण भइहाले पनि वडा, क्षेत्रीय र प्रदेश अधिवेशनका लागि समय नपुग्ने राजपा नेताहरूको भनाई छ । राजपाको नेताहरु विच नै अविश्वास संङखा पैदा हुँदा महाधिवेशनको टुङगो लाग्न नसकेको हो ।
बुधबार बसेको अध्यक्ष मण्डलको बैठकले संविधान संशोधनसहित नौ बुँदे माग राख्दै सबै जिल्लामा कोणसभा र प्रर्दशन गर्ने निर्णय गरेको हो ।
रेशम चौधरीलाई कञ्चनपुर जिल्ला अदालतले जन्मकैद सजाय सुनाएपछि सरकारलाई दिएको समर्थन फिर्ता लिँदै रुष्ट बनेको राजपाले सडक आन्दोन घोषणा गरेको हो । त्यस्तै जन्मसिद्धका सन्तानलाई वंशजको नागरिकतादिनुपर्ने, भ्रष्टाचारी, कालोबजारी नियन्त्रण गर्नुपर्ने, राष्ट्रिय अखण्डता र एकतालाई बलियो बनाउनु पर्नेलगायतका माग अघि सारिएको महासचिव झाले बताउनुभयो ।
सर्वोच्च अदालतद्वारा नै जन्मका आधारमा वंशजको आधारमा नागरिकता दिन गरिएको आफ्नै आदेशको विरुद्ध लाखौं नेपालीलाई नागरिकताबाट वञ्चित गराई राज्य विहीन अवस्थामा पु¥याउने यसखाले आदेशले अत्यन्तै दुःखी र चिन्तित तुल्याएको राजपाले उल्लेख गरेको छ ।
केपीओली नेतृत्वमा सरकार बनेदेखि संविधान संशोधनको मागलाई प्राथमिकतामा राखेर राजपाले राजनीति गर्दै आएको छ । संविधान संशोधन हुने अपेक्षासहित ओली सरकारलाई समर्थन गरेको राजपाले उक्त समर्थन फिर्ता लिइसकेको छ । स्थायी सरकार बनिसकेपछि विकास र समृद्धिको नारा बोकेको सरकारविरुद्ध राजपाको आन्दोलन कति सफल हुन्छ त्यो भने हेर्न बाँकी नै छ ।

Loading...