सिके राउतले भने : मधेशी दलको ‘दुकान’ बन्द गरिदिन्छु

२०७६ वैशाख १ आइतवार
Newsdesk Shikharnews

काठमाडौं । सरकारसँग सहमति गरी नयाँ पार्टी खोलेको सिके राउत मधेशी दलप्रति आक्रमक देखिएका छन् । मुलधारको राजनीतिमा ल्याइएका राउतले मधेसी दलको ‘दुकान’ बन्द गरिदिने चेतावनी दिएका छन्।

निर्दोषलाई आन्दोलनमा अघि सारेर सत्ता भोग गर्न पल्केका मधेसी नेताको दुकान धेरै दिन नचल्ने कडा चेतावनी दिएका छन्।

शनिबार मिर्चैयाको मोहान माविमा आमसभाको आयोजना गरिएको थियो । जनमत पार्टी गठन भएपछि पहिले आमसभामा बोल्दै राउतले सरकारसँग आफूले विजयपत्रमा सहमति गरेको दाबी गरे। ‘हामीले जनमतसंग्रह मागेका थियौं सरकारले हामीलाई जनअभिमत दियो’ उनले भने ।
मधेस र मधेसी जनताको जीवनमा सकारात्मक परिवर्तन ल्याउन मधेसी दलका नेतालाई अब यहाँका जनताले पाखा लगाउने बताए ।

जनअभिमत भनेको जनमतसंग्रह, जनमत र जनअभिमत भएको दाबी गरे । सहमतिले मधेसी जनताको एतिहासिक जित भएको दाबीसमेत गरे । राउतले सत्ताका लागि निर्दोष मधेसीको सासको सिँढी बनाउने खेल अब धेरै दिन नचल्ने बताए ।

Loading...