चोरले सटर फोर्न नसकेपछि चिठी लेखे ‘दाजु मजबुरीले हो माफ गरिदिनु’

२०७६ वैशाख २३ सोमवार
Newsdesk Shikharnews

काठमाडौं । रौतहटको चन्द्रपुरमा पसल चोर्न गएका चोरले ताल्चा फुटाउन नसकेपछि चिठी लेखेर छोडेर गएका छन् ।

स्थानीय व्यापारी कबिन्द्रनाथ गोपालीको पसलमा चोर्न गएका चोरले सटर फुटाउने प्रयास गरेका थिए । पसल रातिमा फुटाउन नसकेपछि चोरले माफी माग्दै पत्र छोडेर गएको भेटिएको हो ।

सादा कागजमा मजबुरीकाका कारण आफूले चोर्न आएको । दाजु माफ गरिदिनु म पनि मजबुरीले गरेको मलाई माफ गरिदिनु लेखेर टाँसेर गएका छन् । पत्रको साथमा हथौडा, छिनो पनि त्यही छोडिएको छ ।

व्यापारी गोपाली शुक्रबार बिहान ७ बजे पसलको सटर खोल्न जाँदा पसल अगाडिको बल्ब फुटाइएको, हेर्दा चोरले लेखेर टाँसेको चिठी फेला पारेका थिए ।