२१ प्रतिशत ब्याज लोभ देखाउँदै २४ करोड कुम्लाएर सहकारी सञ्चालक फरार भएपछि…

२०७६ वैशाख ३१ मंगलवार
Newsdesk Shikharnews

काठमाडौं । बुढानिलकण्ठमा सहकारी चलाइरहेका मुख्य सञ्चालक फरार भएका छन् । बचतकर्ताको २४ करोडभन्दा धेरै रकम कुम्ल्याएर बुढानिलकण्ठमा रहेको नयाँ सन्देश बचत तथा ऋण सहकारी लिमिटेडका मुख्य सञ्चालक फरार भएका हुन् ।

साढे २१ प्रतिशत ब्याज पाइने प्रलोभन देखाएर १ सय दिनको मुद्दती योजना ल्याएको थियो । ब्याज पाउने लोभमा बुढानिलकण्ठ नगरपालिका ३ र ५ वडाका बासिन्दाले करोडौं रुपैयाँ जम्मा गरेका थिए ।

भनेको समयमा सहकारी सञ्चालकले पैसा फिर्ता गर्ने सुरसार नगरेपछि पीडितहरूले सोमबार प्रहरीको केन्द्रीय अनुसन्धान ब्युरोमा जाहेरी दिएका छन् । पीडितहरुले जाहेरी दिंदै त्यस सहकारीमा कम्तीमा २ हजार जनाको रकम फसेको बताएका छन् ।

आफ्नै नातापाता दाइ, भाइ र भिनाजुको समेत सहकारीमा पैसा फसेको बताइएको छ । सहकारीका सञ्चालक नै फरार भएपछि पीडितहरु प्रहरीमा आएका हुन् ।