बार्सिलोनाको हारबारे कट्टर दुश्मन क्लवका प्रशिक्षकको यस्तो टिप्पणी

२०७६ वैशाख ३१ मंगलवार
Newsdesk shikharnews

काठमाडौं। रियल मड्रिडका कोच जिनेदिन जिदानले च्याम्पियन्स लिगमा बार्सिलोनाको अप्रत्याशित हारले जारी सिजनमा रियल मड्रिडको खराब प्रदर्शनलाई कुनै सकारात्मक प्रभाव नपरेको बताएका छन् । रियल मड्रिडको कट्टर प्रतिद्वन्द्वी बार्सिलोना गत मंगलबार एनफिल्डमा लिभरपुलसँग ४–० ले पराजित भएको थियो । २०१५ मा च्याम्पियन्ल लिग जितेपछि बार्सिलोना लगातार ४ वर्ष यो उपाधिबाट बञ्चित छ ।

अब उसले यो उपाधिका लागि पाँचौं वर्ष कुर्नुपर्ने भएको छ ।‘तपाइँलाई थाहा छ हाम्रो जारी सिजन कसरी गइरहेको छ । र, यो अब परिवर्तन हुने छैन’ जिदानले भने । उनले अगाडि भने ‘जित्न निकै कठिन हुन्छ र हामीलाई थाहा छ हामीले के गरेका थियौं । ५ वर्षमा ४ च्याम्पियन्स लिग ट्रफी जित्नु निकै विशेष हुन्छ । यो जित्न कति कठिन हुन्छ भन्ने हामीले बुझेका छौं ।’