विधेयक फिर्ता नलिए कांग्रेसले संसदमा हंगामा मच्चाउने

२०७६ जेठ १ बुधवार
Newsdesk Shikharnews

काठमाडौँ । प्रमुख प्रतिपक्षी दल नेपाली कांग्रेसले सरकारले ल्याएका कतिपय संविधानविपरित प्रावधान राखिएका विधेयक फिर्ता नलिए संसदमा हंगामा मच्चाउने तयारी गरेको छ ।

विधेयक फिर्ता नलिएमा कांग्रेसले संसद्मा कडा प्रतिरोध गर्ने जनाएको हो । त्यसका लागि आफ्ना सांसदसँग छलफल गर्न आज बुधबार संसदीय दलको बैठक बोलाएको छ ।

जागरण अभियानमा सरकारका असंवैधानिक कामका बारेमा विरोध गर्दै आएको कांग्रेसले सदन तताउने तयारी गरेको धम्की दिएको छ ।

संविधानविपरीत प्रस्ताव गरिएका मिडिया काउन्सिल विधेयक, मानवअधिकार आयोग विधेयक, राष्ट्रिय सुरक्षा परिषदको काम, कर्तव्य र अधिकारसम्बन्धी विधेयक फिर्ता नलिए संसदमा प्रतिरोध गर्ने संसदीय दलका प्रमुख सचेतक बालकृष्ण खाँणले बताए।