अन्तर्राष्ट्रिय जेम एण्ड ज्वेलरी एक्स्पो उद्घाटन

२०७६ जेठ ४ शनिवार
Newsdesk Shikharnews

काठमाडौं । प्रधानमन्त्री केपी शर्मा ओलीले नेपाल अन्तर्राष्ट्रिय जेम एण्ड ज्वेलरी एक्स्पो २०७६ को उदघाटन गरेका छन् ।

खानी तथा भूगर्भ विभागले आयोजना गरेको कार्यक्रममा प्रधानमन्त्री ओलीले यो व्यवसाय मानवीय सुन्दरता, प्रेम, सुरक्षा भाव आदिसँग सम्बन्धित भएको बताए ।

प्रधानमन्त्री ओलीले व्यवसाय गुणस्तरीय बनाउन सबैले जोड दिनुपर्ने बताए । “यो सबैका लागि आवश्यक तर ओझेलमा परेको क्षेत्र हो” प्रधानमन्त्री ओलीले भने, “त्यसैले यसको प्रचार प्रसारसँगै गुणस्तरीयतामा पनि ध्यान दिनुपर्छ ।”

प्रधानमन्त्री ओलीले एक्स्पोमा राखिएका विभिन्न स्टलहरुको पनि अवलोकन गरेका थिए ।