बर्मेली युवतीलाई लामो मन पर्छ !

२०७६ जेठ १६ बिहीवार
Newsdesk Shikharnews

बर्माको कारेन आदिवासी महिलाहरु सौन्दर्यको नाउँमा सकेसम्म गर्धन लामो बनाउने गर्छन् । यिनीहरुको घाँटी ४० सेमी (१५.७५ इञ्च) सम्म लामो पाइएको छ । पाँच वर्षको उमेरदेखि तामाको रिङ राख्दै घाँटीलाई तन्काउँदै लाने गर्छन् । पछि घाँटी यति लामो हुन्छ कि रिङबिना टाउकोको भार शरीरले थाम्नै नसक्ने अवस्थामा पुग्छ ।

लामो गर्धन शौन्दर्यको प्रतिक मानिने भएपनि यौनकाण्डमा परेका स्त्रीका लागि भने त्यही लामो गर्धन अभिसाप हुन्छ । यौनकाण्डमा फसेका स्त्रीलाई सजाय दिनु परे रिङ बिना हिँड्ने सजाय दिइन्छ । आजकल धेरै कोणबाट यो प्रथाको विरोध शुरु भएको छ तैपनि पर्यटकलाई आकर्षित गर्न फेरि पनि यसो गर्ने थुप्रै छन् ।

अहिले कारेन समुदायको संख्या घट्दै गइरहेको छ । बर्मामा राजनीतिक अस्तिरता र गृहयुद्ध भए पछि कारेन समुदायका धेरै मानिस सीमा जोडिएका थाइल्याण्डको भूमिमा पुगे । बर्माको तुलनामा थाइल्याण्ड निकै सुरक्षित ठान्छन् यी समुदायका मानिसहरु ।

अहिले कारेन समुदायको संख्या करिब ४० हजार मात्रै रहेको छ । यतिको संख्याको यो समुदायले आफ्नो प्राचीन संस्कृति जोगाउन निकै मेहनत र संघर्ष गरिरहेको छ ।