पहिरनले वर्षा ट्रोलको सिकार भएकी वर्षाको पति संजोकको साथ

२०७६ जेठ २२ बुधवार
Newsdesk Shikharnews

काठमाडौं। ‘जात्रैजात्रा’ नायिका वर्षा राउत पहिरनको कारण ट्रोलको सिकार भएकी छिन् । उनले अस्ट्रेलियाको ‘जात्रैजात्रा’को विशेष सोमा लगाएको पहिरन भाइरल भइरहेको छ । यस ट्रोलको जवाफ वर्षाले दिएकी छैनन् । तर, वर्षालाई उनको श्रीमान् सञ्जोग कोइरालाले साथ दिएका छन् । सञ्जोग पनि अहिले अस्ट्रेलियामै छन् । सायद वर्षा पहिलोपटक ट्रोलको सिकार बनेकी छिन् । यसलाई सामना गर्न उनलाई सहज पक्कै पनि छैन ।

तर, उनले उनको श्रीमान्को साथ पाएकी छिन् । सञ्जोगले वर्षासँग भएको फोटो सेयर गर्दै स्टाटस लेखेका छन् । उनले सधैं राम्रो काममा साथ दिने बाचा गर्दै लेखेका छन्, ‘म तिमीलाई प्रोत्साहन गर्छु, तिमीलाई सम्मान गर्छु । तिम्रो हरेक युद्धमा साथ र सहयोग दिनेछु । तिम्रो कठिनाइ र संघर्षको समयमा अझ माया गर्नेछु । म तिमीसँग धेरै समय बिताउने कोसिस गर्छु । तिमीलाई हरेक पल आनन्दित तुल्याउने प्रयास गर्नेछु । तिमी सधैं सही र सही काम गर्न सक्दिनौ, ठिकै छ । तिमी सबै कुरामा प्रर्फेक्ट हुन सक्दिनौ तर वास्तविक हुनु ।’ वर्षा र सञ्जोग गत वर्ष वैैवाहिक बन्धनमा बाँधिएका हुन् । उनीहरू करिब ६ वर्षदेखि प्रेम सम्बन्धमा रहेका थिए ।