विश्वविजेता फ्रान्स टर्कीसँग पराजित

२०७६ जेठ २६ आइतवार
Newsdesk shikharnews

एजेन्सी । युरोकप छनोटमा टर्कीले विश्वविजेता फ्रान्सलाई पराजित गरेको छ । युरो छनोटमा लगातार तेस्रो जित निकाल्ने क्रममा आईतबार राति टर्कीले फ्रान्सलाई २–० ले हराएको हो । कान आयहानले खेलको ३० औं मिनेटमा घरेलु मैदानमा टर्कीलाई सुरुवाती अग्रता दिलाएका थिए । सेन्गिज अन्डरले ४० औं मिनेटमा टर्कीका लागि दोस्रो गोल गर्दै विश्व विजेता फ्रान्सलाई स्तब्ध बनाए । पहिलोृ हाफमै टर्कीले दुई गोल गरेपनि दोस्रो हाफमा भने कुनै पनि टोलीले गनेल गर्न सकेनन् ।

जितपछि टर्की ३ खेलमा सतप्रतिशत जित सहित ९ अंक बनाएर समुह एचको शीर्ष स्थानमा उक्लिएको छ । दोस्रो स्थानको फ्रान्सले दुई जित र एक हारको नतिजा ब्यहोरेको छ । फ्रान्सले अब समुह चरणको चौथो खेलमा एन्डोरासंग मंगलबार खेल्नेछ । टर्कीले सोही दिन आईसल्याण्डसंग खेल्नेछ ।

समुह एचकै अन्य खेलमा आईसल्याण्डले अल्बानियालाई र माल्डोभाले एन्डोरालाई समान १–० ले हराए । आईसल्याण्डले ६ अंक बनाएपनि गोल अन्तरका आधारमा फ्रान्सभन्दा तल तेस्रो स्थानमा रह्यो । माल्डोभाले समेत समुह चरणमा पहिलो जित दर्ता ग¥यो । एन्डोरा अंक विहिन हुदै तालिको पुछारमा छ ।