लोकसेवाको विज्ञापन रोक्नु संघीयता विरोधी कार्य होः महेश बस्नेत

२०७६ जेठ २९ बुधवार
Newsdesk shikharnews

संसदको आज विशेष समयमा बोल्दै नेकपा नेता तथा पूर्वमन्त्री महेश बस्नेतले गुठी सम्बन्धी विधेयकमा अनावश्यक बखेडा नझिक्न आग्रह गरे । गुठी प्राधिकरण बनाएर गुठीको नाममा भइरहेका अनियमितता रोक्न सरकारले विधेयक ल्याउन लागेको बस्नेतको दावी छ । गुठीको जग्गा र सम्पत्ति कतिपयले दुरुपयोग गरिरहेको उल्लेख गर्दै उनले त्यसलाई रोक्न उद्देश्य सरकारको रहेको बताए । तर यही विषयलाई विवादित बनाइएको उनको भनाई छ ।

त्यस्तै लोकसेवा आयोगको विज्ञापन रोक्न संसदको राज्य व्यवस्था तथा सुशासन समितिले दिएको निर्देशन प्रति पनि उनले आपत्ति जनाए । विज्ञापन रोक्ने निर्देशन संघीयता विरोधी भएको बस्नेतको आरोप छ ।