२२ रुपैयाँमा २० मिनेट भाडामा गर्लफ्रेण्ड पाइने सपिङ मल

२०७६ असार २० शुक्रवार
Newsdesk Shikharnews

संसारमा विचित्रका गतिविधि हुने गरेका छन् । यस्तै एउटा अचम्म लाग्ने मध्येको एक गतिविधि हो भाडामा उपलव्ध हुने गर्लफ्रेण्ड, त्यो पनि सपिङ मलमा । दक्षिण चीनको एउटा सपिङ मलमा २० मिनेटका लागि गर्लफ्रेण्ड भाडामा उपलव्ध गराइन्छ । मलले यस्तो अचम्मलाग्दो अफर ल्याएपछि अहिले त्यो सपिङ मलमा युवा ग्राहकहरुको थामिनसक्नु भीड लाग्ने गरेको छ ।

यस्तो अफर ल्याउनु अघि सामान्य किशिमले व्यापार गरिरहेको मलमा यो अफर पछि युवा ग्राहकको भीड ह्वात्तै बढेको दैनिक कारोबारमा समेत अत्याधिक वृद्धि भइरहेको मिडिया रिपोर्टहरुमा उल्लेख गरिएको छ । ११ फिलिपिनो पिसो अर्थात २२ रुपैयामा २० मिनेटका लागि भाडामा पाइने ती युवतीहरुसँग आफ्नै गर्लफ्रेण्डसँग जस्तै मज्जाले समय व्यतित गर्न पाइनेछ । तर युवतीहरुलाई छुन भने निषेध गरिएको छ ।

दक्षिणी चीनको हुआन सहरमा रहेको वाइटैलिटी सिटी सपिङ्ग मलमा यो अफर शुरु गरिएको हो । मलको यस्तो अफरलाई नगरबासीले निकै अनौठो र नौलो मानेका छन् । सपिङ मलको यस्तो अफरलाई अन्तराष्ट्रिय सञ्चारमाध्यमहरुले पनि निकै चासो दिएर समाचार संप्रेशण गरिरहेका छन् । सपिङ मलको गर्लफ्रेण्ड भाडामा पाउने अफर पछि युवा ग्राहकहरुको ठूलो भीड मलमा जम्मा हुने गरेको ती अन्तराष्ट्रिय सञ्चारमाध्मयले उल्लेख गरेका छन् ।

अहिले त्यो वाइटैलिटी सिटी सपिङ मलमा १५ जना सुन्दर युवतीहरू भाडामा राखिएको छ । मलको प्रवेशद्वारमै युवतीहरु ग्राहकको स्वागतमा लामबद्ध भएर बसिरहेका हुन्छन् । यसरी मलको प्रवेशद्वारमै बसेका ती युवतीहरुमध्येबाट ग्राहकले आफूलाई मनपरेकी एउटी युवती छनौट गरी पैसा तिरेर २० मिनेटसम्म ती युवतीसँग समय बिताउँन पाउछन् ।

सपिङ मलले उपलव्ध गराएको समयावधिमा युवतीहरुसँग सपिङ डिनर, कफी, गफगाफ गर्न सकिन्छ । तर युवतीहरुसँग रासलिला मच्चाउने सोच भने नराख्दा हुन्छ, त्यसमा भने निकै कडाई गरिएको छ । एजेन्सी