सुरु भयो काठमाडौँमा साझाको रात्रीबस, थाहा पाउनुस् कुन–कुन रुटमा चल्छ ?

२०७६ असार २६ बिहीवार
Newsdesk Shikharnews

साँझ ६÷७ बजेपछि सार्वजनिक सवारी नपाउने र पाए पनि भीडका कारण चढ्नै मुस्किल भइरहँदा काठमाडौँ उपत्यकामा भने रात्रिबस सेवा शुरु भएको छ । साझा यातायात सहकारी संस्थाले काठमाडौँका मुख्य सडकमा नमूनाका रुपमा गत साताबाट राति ९ बजेबाट रात्रिबस शुरु गरेका हुन् । तीन रुटमा बस शुरु भएको संस्थाका व्यवस्थापक महेन्द्रराज पाण्डेयले बताउनुभयो ।

उहाँका अनुसार न्यूरोड गेटबाट नारायणगोपाल चोक हुँदै नयाँ बसपार्क, न्यूरोड गेटबाट त्रिपुरेश्वर हुँदै कलङ्की र न्यूरोड गेटबाट नै नयाँबानेश्वर, त्रिभुवन अन्तराष्ट्रिय विमानस्थल हुँदै नयाँ बसपार्कसम्म गरेर तीन रुटमा अहिले बस शुरु भएको छ । बस विभिन्न स्थानको परिक्रमा गरेर पुनः न्यूरोड गेटमा नै फर्किरहेका छन् । यात्रुलाई रात्रिसेवाका बारेमा जानकारी नभएकाले अहिले यी बसमा यात्रु सङ्ख्या कम भएको उहाँले बताउनुभयो । उहाँले भन्नुभयो, “यात्रुले जानकारी पाएपछि विस्तारै बढ्दै जानेछ ।”

अहिले परीक्षणका रुपमा तीन वटा बसबाट शुरु गरिएकामा आगामी दिनमा रात्रिबस विस्तार गर्दै जाने संस्थाले जनाएको छ । संस्था गैरनाफामूलक भएकाले आगामी दिनमा यात्रुको सुविधाका लागि बस थप्ने र रुट अन्यत्र फैलाउने व्यवस्थापक पाण्डेयले बताउनुभयो । उहाँले भन्नुभयो, “हामीले यात्रुको सुविधालाई ध्यान दिएर सेवा थप गरिरहेका छौँ ।” काठमाडौँ उपत्यकाका स्थानीय तहसँगको सहकार्य बढाउँदै गएको साझाले जनाएको छ ।

काठमाडौँ महानगरपालिका, ललितपुर महानगरपालिका, महालक्ष्मी नगरपालिका, गोदावरी नगरपालिकालगायतले साझाको सेयर खरीद गरेको व्यवस्थापक पाण्डेयले बताउनुभयो । उहाँका अनुसार संस्थाले प्रदेश नं ३ कामनपा र ललितपुर महानगरपालिकासँगको सहकार्यमा रु ४५ करोडमा विद्युतीय बस खरीद गर्ने भएको छ । विद्युतीय बस खरीदका लागि प्रदेश नं ३ सरकारबाट रु ३० करोड, काठमाडौँ महानगरपालिकाबाट रु १० करोड, ललितपुर महानगरपालिकाबाट दुई करोड ५० लाख र साझा आफैँले रु दुई करोड ५० लाख सेयर लगानी गरेर विद्युतीय बस खरीद गर्ने निर्णय भएको हो ।

विसं २०७० मा सेवा शुरु हुँदा पहिले नगर केन्द्रित साझाका बस अहिले काठमाडौँका ग्रामीण क्षेत्रसम्म विस्तार भइरहेको उहाँले बताउनुभयो । उहाँले भन्नुभयो, “उपत्यकाका अझै धेरै पालिकाले साझासँग सहकार्य गर्न चाहेका छन् ।” अघिल्लो साता मात्रै काठमाडौँ महानगरपालिका र साझा यातायातसँगको सहकार्यमा ‘यूरो ४’ मापदण्डका २० नयाँ बस भित्र्याएको थियो । बस भक्तपुर र ललितपुरका विभिन्न स्थानमा सञ्चालन भइरहेका छन् । यी बस भक्तपुरको नयाँ र पुरानो दुवै बाटो हुँदै परिक्रमा गर्ने गरी रुट अनुमति लिएर सञ्चालन भइरहेको संस्थाका प्रबन्धक पाण्डेयले बताउनुभयो ।

नयाँ बसपार्कबाट जडीबुटी हुँदै कमलविनायकसम्मको एउटा मार्ग र चाबहिलबाट त्रिभुवन अन्तर्रा्ष्ट्रिय विमानस्थल हुँदै लगनखेलसम्मको अर्काे मार्गमा बस सञ्चालन शुरु भएको थियो । दुई दशक पहिलेसम्म सबैभन्दा भरपर्दाे र विस्तार भएको सेवा प्रदायकका रुपमा साझा यातायात रहेको थियो । बीचमा केही वर्ष सेवा अवरुद्ध भएर पुनःसञ्चालनमा आएपछि साझाले यात्रुलाई सुविधा दिन विभिन्न कुराको शुरुआत गर्दै आएको छ । ठूला र आरामदायी सिट, टिकट, विद्युतीय कार्ड, अपाङ्गता र ज्यष्ेठ नागरिकमैत्री बसको शुरुआत साझाले गरेको हो ।

विसं २०१६ मा स्थापित उक्त संस्थाको लामो समयसम्म सेवा अवरुद्ध भएपछि विसं २०७० मा सेवा पुनः शुरु भएको थियो । अहिले साझाका ७१ बस नियमित सञ्चालनमा छन् । यीमध्ये एउटा लो फ्लोर बस (अपाङ्गता र ज्येष्ठ नागरिकका लक्षित बस) र चार उपत्यका बाहिर चल्ने सुविधासम्पन्न (डिलक्स) बस छन् भने बाँकी शहरी बस रहेका संस्थाले जनाएको छ । अहिलेसम्म पेट्रोलियम पदार्थबाट चल्ने बसहरु मात्रै भित्र्याइरहेको संस्थाले प्रदेश सरकार र स्थानीय सरकारसँगको सहकार्यमा विद्युतीय बससमेत खरीद र सञ्चालनको तयारीसमेत गरिरहेको छ ।

प्रम ओलीले ६ वर्षपछि किन भेटे आफ्नो कडा आलोचक भुषाललाई ?
प्रधानमन्त्री तथा नेकपाका अध्यक्ष केपी शर्मा ओलीले आफ्नो कार्यशैलीका आलोचक स्थायी समिति सदस्य घनश्याम भुसालसंग करीब तीन घण्टा गोप्य छलफल गरेको समाचार छ । २०७६ असार २५ गते बुधवारले दिएको समाचार अनुसार २०७६ असार २१ गते शनिवार प्रधानमन्त्री निवास बालुवाटारमा बोलाएर प्रधानमन्त्री ओलीले भुसालसंग निकै लामो छलफल गरेका थिए । स्रोतका अनुसार, आफ्नै पार्टी अध्यक्षसंग भुसालले ६ वर्ष पछि लामो र गोप्य भेटवार्ता गर्ने अवसर पाएका हुन ।

पार्टी कार्यालय, संसदीय दल, औपचारिक फोरम र सामूहिक रुपमा नेताहरुसंगको औपचारिक फोरमहरुमा जम्काभेट हुने बाहेक प्रधानमन्त्री ओली र भुसालबीच लामो समयदेखि संवादहीनताको अवस्था रहेको कटु यथार्थबीच पछिल्लो छलफललाई अर्थपूर्णरुपमा हेरिएको छ ।

यसअघि ओली भुसालबीच २०७० माघ २२ मा संसदीय दलको निर्वाचन हुनुभन्दा केही दिन पहिले यस्तै लामो छलफल भएको थियो । २०७१ सालमा सम्पन्न तत्कालीन एमालेको नवौं महाधिवेशनको संघारमा थोरै समय संवाद भएपनि उनीहरुबीच लामो छलफल भएको थिएन ।

पार्टी अध्यक्ष ओलीसंग औपचारिक फोरमहरुमा आँखा जुधाएर सैद्धान्तिक तर्क गर्ने र उनका कार्याशैलीको कटु आलोचना गर्ने प्रतिपक्ष नेताको जस्तो भुसालको बाहिरी छवि बनेपनि यथार्थमा दुई नेताबीच ठ्याक्कै त्यस्ते प्रचारित सम्बन्ध पनि नभएको बताईन्छ ।

पार्टी एकता लामो समयसम्म नटुंगिएको, राजनीतिक दस्तावेज समेत प्रकाशनमा आईनसकेको मात्र होइन, पार्टी संचालनमा विधि प्रक्रिया र मापदण्डको विषय बारम्बार जोडदार उठ्दै गएको, पार्टी एकता कमजोर हुँदा सरकारले कतिपय राम्रा काम गर्न खोज्दाखोज्दै पनि आफ्ना निर्णयमा क्रमश ब्याक हुँदै गएको परिवेशमा ओली–भुसालबीचको भेटलाई अर्थपूर्णमा हेरिएको छ । यो भेटलाई बालुवाटार स्रोतले मात्र होइन भुसाल स्वमंले समेत गुपचुप राख्न रुचाएका छन् ।

‘‘उहा“हरुबीच धेरै लामै छलफल भयो, करीब तीन घण्टाको समयमा दुई तिहाइभन्दा बढी समय त लामो समयदेखिको सम्बन्धका उतारचढावलाई संस्मरणात्मक ढंगले नै अध्यक्षले प्रस्तुत गर्नुभयो,’ स्रमेतले भन्यो,‘अन्त्यतिर घनश्याम कमरेडले ब्यक्तिगत मामिलाभन्दा पनि राजनीतिक विषयमै छलफल गरौं भन्नेमै जोड गर्नुभएको तर, समय अभाव भएकाले छलफल त्यत्तिकैमा सकियो । भुसारलले पार्टीलाई विधिसम्मत ढंगले सञ्चालन गर्ने बित्तिकै अहिले आएका, देखिएका समस्याहरु मूलभूत रुपमा समाधान हुँदै जाने र सकारात्मक वातावरण बन्ने’ सुझाव दिएको बुझिएको छ । साँघुन्यूजबाट