पेन गन सहित १ जना पक्राउ

२०७६ साउन १ बुधवार
Newsdesk Shikharnews

काठमाडौं १,साउन। जिल्ला प्रहरी कार्यालय कास्कीले पेन गन लेख्न प्रयोग गर्ने कलमबाट गोली चलाई अपराध गर्न मिल्ने बस्तु सहित १ जनालाई पक्राउ गरेको  छ ।

 पक्राउ पर्नेमा पोखरा महानगरपालिका-२४ कास्कीकोट स्थायी घर भई हाल पोखरा महानगरपालिका-७ मासबार बस्दै आएका २४ वर्षिय सागर रानाभाट रहेका छन ।
यही असार २९ गते पक्राउ परेका उनलाई थप अनुसन्धान पश्चात कास्की प्रहरीले श्रावण १ गते पत्रकार सम्मेलन गरी सार्वजनिक गरेको छ ।

पक्राउ परेका उनका साथबाट लागुऔषध सहित पेन गन र उक्त गनमा लाग्ने सात थान गोली सहित प्रहरीले विशेष सूचनाको आधारमा पक्राउ गरेको जिल्ला प्रहरी कार्यालय कास्कीका प्रमुख प्रहरी उपरीक्षक दान बहादुर कार्कीले बताएका छन् । पक्राउ परेका उनिमाथी थप अनुसन्धान भईरहेको प्रहरीले जनाएको छ ।