प्रचण्डको स्पीड तीव्र, माधव नेपाल र वामदेव गौतमसँगको भेट बाक्लियो

२०७६ साउन २३ बिहीवार
Newsdesk Shikharnews

सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्ड पछिल्लो समय पार्टीभित्र भेटघाटमा सक्रिय छन् । अर्का अध्यक्ष केपी शर्मा ओली स्वदेशमा नभएको मौका छोपेर प्रचण्ड आन्तरिक भेटवार्तामा सक्रिय भएका हुन् ।

पार्टीभित्र अध्यक्ष ओली र प्रभावशाली नेता वामदेव गौतम बीच नयाँ गठबन्धन बन्ने हल्ला चलेपछि प्रचण्डले आफ्नो भेटवार्तालाई तिव्रता दिएका हुन् । उनीपनि दुवईमा आराम गरेर स्वदेश फर्किएका हुन् । यो बीचमा नेकपाभित्र नयाँ समिकरण बनेको कुरा मिडियामा चर्चा हुन थालेपछि प्रचण्ड सशंकित बनेका छन् । पार्टी एकतादेखि अहिलेसम्म प्रचण्ड र नेता गौतमबीच सुमधुर सम्बन्ध रहँदै आएको थियो ।

तर, एकाएक संगठन विभागको नेतृत्व वामदेवलाई दिने निर्णयमा ओली पुगेपछि प्रचण्ड झस्किएका हुन् । आगामी महाधिवेशनमा पार्टीको नेतृत्वमा पुग्ने लक्ष्यसहित प्रचण्ड अहिले भेटवार्तामा उत्रिएका हुन् । प्रचण्डनिकट उच्च स्रोतले जनाए अनुसार पछिल्लो समय उनले बरिष्ठ नेता माधव कुमार नेपाल र वामेदवसँग लगातार भेटवार्ता गरिरहेका छन् ।

च्याउ खोज्न जांदा बाबुको ज्यान गयो, चार छोराको बिचल्ली
हुम्लाका अन्दाजी ३० वर्षीय राजु महताराको भीरबाट लडेर मृत्यु भएको छ । महरा च्याउ खोज्न जाने क्रममा भीरबाट लडेका हुन् । साउन १८ गते विहान लिवलाइट नामको च्याउ खोज्न भनेर महतारा घरबाट निस्किएका थिए । हुम्लाको रिपमै रहेका स्थानीय पत्रकार विष्णु फडेराले जनाए अनुसार आर्थिक अवस्था कमजोर भएका महतारा च्याउ खोजेर बेच्ने उद्देश्यले घरबाट हिडेका थिए ।

घरमा चार जना छोरालाई पढ्दै गर भनेर निस्किएका थिए । लामो समय घर नफर्किएपछि गाउँलेले खोजी गर्दा उनी साउन १९ गते मृत अवस्थामा फेला परेको सृकोट प्राविका शिक्षक नवराज फडेराले बताए । शिक्षक फडेराका अनुसार लिबलाइट नामको च्याउ खोज्न प्राय गाउँले जाने गर्थे । २८ हजार रुपैयाँ प्रति किलोग्रामसम्म बिक्ने उक्त च्याउले पछिल्लो समय मुल्य नपाएपछि गाउँलेले संकलन गर्न छोडेका थिए । तर राजु भने उक्त च्याउको खोजीमा जाने गरेका थिए ।

तर यसपटक भने च्याउको खोजीमा गएर राजु फर्किएर आएनन् । मृतक राजुका दुई जुम्ल्याहा सहित ४ छोरा छन् । उनका १० वर्षीय जेठा छोरा कक्षा ४ मा, ८ वर्षीय दुई जुम्ल्याहा कक्षा १ मा र ५ वर्षीय कान्छा छोरा छन् । राजुकी श्रीमती सुस्त मनस्थितिकी र बोल्न नसक्ने अवस्थाकी छिन् । बाबुको निधन भएसँगै परिवारको बिचल्ली भएकाले सामाजिक सञ्जालबाट सहयोगको अपिल गरिएको पत्रकार बिष्णु फडेराले बताए । बाबुको मृत्यु पछि चार बालकको अध्ययनको सम्भावन पनि सकिएको भन्दै उनीहरुको शिक्षाका लागि सहयोग गरि दिन पनि पत्रकार फडेराले अनुरोध गरेका छन् ।

Advertisement