टीभीएस अपाचे सप्तरङ्ग सिरिज २ असोज २१ देखि

२०७६ कात्तिक १७ आइतवार
Newsdesk Shikharnews

जगदम्बा मोटर्स प्रालिको सक्रियतामा यसपटक देशको सातै प्रदेशमा टीभीएस अपाचे सप्तरङ्ग सिरिज २ आयोजना हुने भएको छ । सप्तरङ्गको पहिलो शृंखलाको लोकप्रियताबाट उत्साहित बनेको आयोजक संस्था ग्रीष्मा ब्रोडकाष्टिङ्गको आयोजना रहने संगीतमय मनोरन्जनात्मक कार्यक्रम देशको सातवटै प्रदेशमा गरिने भएको छ । यो सिरिज कार्तिक २१ गतेदेखि मंसिर ४ गतेसम्म प्रस्तुत गरिनेछ ।

कार्यक्रममा विभिन्न गीतसंगीतका साथसाथै नृत्य, कमेडी लगायत पनि समावेश गरिनेछ । महानायक राजेश हमाल प्रमुख आकर्षण रहने कार्यक्रममा जितु नेपाल, गायक सुगम पोखरेल लगायतका अन्य चर्चित कलाकारहरु पनि सहभागि हुनेछन् । भ्रमण वर्ष २०२० लाई सफल बनाउन समेत यो कार्यक्रमले सहयोग पुर्याउने अपेक्षा आयोजकले गरेको छ ।

सप्तरङ्ग सिरिज २ सँग जोडिन पाएकोमा मुख्य प्रायोजक टीभीएस अपाचेका वितरक जगदम्बा मोटर्स प्रालिका उपाध्यक्ष दीपक अग्रवाल खुशी व्यक्त गरेका छन् । उपभोक्तामाझ विभिन्न माध्यमबाट सधै नजिक हुने उपायको खोजीमा रहने पनि अग्रवालले बताए । नेपाल भ्रमण वर्षको पूर्वसन्ध्यामा आयोजना हुन लागेको कार्यक्रमको एउटा हिस्सा बन्न पाउँदा जगदम्बा मोटर्सका लागि गर्वको विषय भएको पनि अग्रवालको भनाई छ ।

सप्तरङ्ग सिरिज २ एक विशुद्ध सांगीतिक मनोरन्जनात्मक कार्यक्रम हो र यो कार्यक्रम विभिन्न फरक फरक दिनमा सातवटै प्रदेशमा दिउँसो ३ बजेपछि प्रदर्शन गरिनेछ । आफ्नो प्रिय कलाकारहरुलाई आफ्नै समीपमा प्रत्यक्ष देख्न र सुन्न तयार रहनका लागि अनुरोध गरिएको छ ।