सारा र कार्तिकको अफेयरमा अमृता भिलेन !

२०७६ कात्तिक २८ बिहीवार
Newsdesk shikharnews

मुम्बई । बलिवुड अभिनेत्री सारा अली खानले बलिवुडमा डेभ्यु गरेको छोटो समयमा नै आफ्नो प्रभाव जमाउन सफल भएकी छन् । गत बर्ष केदारनाथबाट बलिवुडमा डेभ्यु गरेकी सारा फिल्मको कारण अहिले जति चर्चामा छिन त्यति नै निजि सम्बन्धका कारण पनि चर्चामा रहेकी छन् ।अभिनेता कार्तिक आर्यनसँगको अफ्येर्सका कारण अहिले चर्चामा रहेकी सारा फेरी आफ्नी आमाका कारण चर्चामा रहेकी छन् । मिडिया रिपोर्टका अनुसार साराकी आमा अभिनेत्री अमृता सिंह सारा र कार्तिकको सम्बन्धलाई अश्विकार गरेपछि सारा अप्ठ्यारोमा परेको बताइएको छ ।

अमृताले सारा र कार्तिकको अफ्येर्सलाई मन नपराएको बताएपछि पछिल्लो समय सारा कार्तिकसँग अलिकति टाढिएको बताइएको छ । यद्यपी दुवैबीच ब्रेकअप भने भइनसकेको बताइएको छ । अमृताले सारालाई क्यारियरको शुरुमै अफ्येर्समा नपर्न र आफ्नो काममा ध्यान दिन जोड दिएको बताइएको छ । उता सारा भने आफ्नो निजी अफ्येर्स र कामलाई सँगसँगै अगाडी लैजाने मुडमा भएका कारण आमासँग असमझदारी बढेको बताइएको छ ।

सारा र कार्तिकको ब्रेकअपको चर्चाका बीच हालै दुवै करण जोहरको पार्टीमा सँगै देखिएका थिए । हाल सारा र कार्तिकको फिल्म लव आजकलको सिक्वेल फिल्म फेब्रुअरीमा रिलिज हुदै छ । हाल सारा बरुण धवनसँग कुली नम्बर वानको रिमेकमा व्यस्त छिन् भने कार्तिक पति पत्नी और वोमा व्यस्त रहेका छन् ।सारा र कार्तिक व्यस्त भएका कारण निजी जीवनमा अफ्येर्सबाट टाढा रहेका थिए । तर अहिले आएर अमृता उनीहरुको सम्बन्धबाट खुशी नभएको रिपोर्ट आएपछि उनीहरुको लव एंगल अब के हुन्छ भन्ने विषयमा प्रश्न उठेको छ ।

Advertisement