मिस मेरिल्याण्डमा नेपाली युवती बनिन् सेकेण्ड रनर-अप

२०७६ कात्तिक ३० शनिवार
Newsdesk Shikharnews

मिस युएससएको फ्रेन्चाइजमा पहिलो पटक नेपाली मुलकी युवतीले उच्च तहको टाइटल जितेकी छिन् । नेपाली अमेरिकन सुजिता बस्नेतले केही दिन अघि मिस मेरिल्याण्ड युएसएमा सेकेण्ड रनर अपको टाइटल जितेकी हुन् । प्रतिष्पर्धामा उनी पिपुल च्वाइस अवार्ड पनि जित्न सफल भइन् । सुजिता सहित यो प्रतियोगितामा अन्य ९५ जना अमेरिकन युवतीहरुले प्रतिस्पर्धा गरेका थिए ।

मिस मेरिल्याण्ड सन् १९५२ देखि आयोजना हुँदै आएको प्रतियोगिता हो । पहिलो मिस नेपाल अमेरिका समेत रहेकी बस्नेत अमेरिकी फ्रेञ्चाइजको प्रतिष्पर्धामा उच्च तहको उपाधि जित्ने पहिलो नेपाली मुलकी अमेरिकी हुन् ।

मिस मेरिल्याण्डकी विजेता नाना मेरिवेदरले सन् २०१२ को मिस युएसए बनेकी थिइन् ।
मिस मेरिल्याण्ड मिस युएसएका लागि प्रतिस्पर्धी छनौट गर्ने माध्यमको रुपमा पनि आयोजना हुँदै आइरहेको प्रतियोगिता हो ।

सुजिताले सन् २०११ मा मिस नेपाल युएससए उपाधि जितेकी जितेकी थिइन् । पहिलो मिस नेपाल युएसएले मिस मेरिल्याण्ड युएससएमा सेकण्ड रनर अप र पब्लिक च्वाइस अवार्ड जित्न सफल भएकोमा मिस नेपाल युएसएका सीईओ तथा संस्थापक अमित शाहले बधाई दिएका छन् ।

सुजिता सन् २०१८ मा भर्जिनियामा आरएनआर ग्रुप्सद्वारा आयोजित फ्लोर फेसन शोमा कोरियोग्राफर थिइन, जुन सन् २०१९ को युएसए क्यालेण्डरमा प्रस्तुत गरिएको थियो ।

 

Advertisement