भायनेटको आकर्षक ‘क्या लभ्ली अफर’

२०७६ मंसिर ११ बुधवार
NewsDesk ShikharNews

काठमाडौं । इन्टरनेट सेवा प्रदायक भायनेट कम्युनिकेसन्स्ले सञ्चालनको २० औं वर्षमा प्रवेश गरेको अवसरमा ग्राहकहरूका लागि आकर्षक योजना ‘क्या लभ्ली अफर’ ल्याएको छ । यो योजनामा ग्राहकहरूले मात्र ३४ हजारमा एक वर्षका लागि इन्टरनेट, नेट टिभी र ६४ मेगापिक्सल क्यामरा भएको साओमी रेडमी नोट ८ प्रो मोबाइल प्राप्त गर्नेछन् । त्यसैगरी २७ हजार ७ सयमा ग्राहकहरूले एक वर्षका लागि इन्टरनेट, नेट टिभी र साओमी रेडमी नोट ८ प्राप्त गर्नेछन् ।

यो बाहेक भायनेट इन्टरनेट प्याकेजसँग ग्राहकहरूले १८ हजार ७ सय ९० देखि सामसङ र स्काइवर्थको ३२ देखि ४३ इन्चसम्मका एलडी टिभीहरूका साथै इन्टरनेट र फ्रि नेट टिभी प्राप्त गर्न सक्नेछन । यस योजनाअन्तर्गत भायनेटले ग्राहकहरूलाई ३ महिनाका लागि पनि विभिन्न आकर्षक प्याकेजहरू उपलब्ध गराएको छ ।

सन् १९९९ मा स्थापित भायनेट कम्युनिकेसन्स्ले भरपर्दो र राम्रो मूल्यमा ब्रोडब्यान्ड इन्टरनेट सर्भिस प्रदान गर्नमा सधैं अगाडि रहिआएको छ । सन् २०११ देखि भायनेट कम्युनिकेसन्स्ले फाइबर अप्टिक्स् इन्टरनेट वा एफटीटीएच इन्टरनेट सर्भिस सुरुवात ग¥यो र यो क्षेत्रका घरहरू र अफिसहरूलाई एफटीटीएच सेवाले जोड्न सफल भएको छ । आफ्नो सेवालाई काठमाडौं बाहिर विस्तार गर्दै भायनेटले हाल बनेपा, बुटवल, बिराटनगर, वीरगन्ज, चितवन, हेटौंडा र पोखरामा समेत आफ्नो सेवा सुचारु गरेको छ ।

Advertisement