धरान उपमहानगरपालिकामा कांग्रेसको अग्रता

२०७६ मंसिर १५ आइतवार
NewsDesk ShikharNews

धरान । शनिबार सम्पन्न धरान उपमहानगरपालिकाको उप–चुनावमा नेपाल कम्युनिस्ट पार्टी नेकपालाई नेपाली कांग्रेसले थोरै मतान्तरले पछाडि पारेको छ ।

जारी मत गणनाको पछिल्लो परिणामअनुसार कांग्रेस उम्मेदवार तिलक राईले नेकपा उम्मेदवार प्रकाश राईलाई ४ सय ३४ मतले पछाडि पारेका छन्।

अहिलेसम्मको गणनाअनुसार कांग्रेसले ६ हजार ८ सय ५७ मत पाएको छ । नेकपाले ६ हजार ४ सय २३ मत ल्याएको छ ।

वडा नम्बर १६ को गणना सकिँदा कांग्रेसलाई त्यहाँ २ हजार ३ सय४० र नेकपालाई १ हजार ८ सय ४९ मत प्राप्त भएको निर्वाचन कार्यालयले जनाएको छ ।

यसअघि धरान उपमहानगरपालिकामा तत्कालिन नेकपा एमालेका तारा राईले विजयी भएका थिए । उनको मृत्यु भएपछि उपनिर्वाचन हुन लागेको हो ।

Advertisement