सिलिगुरीका चर्चित डाक्टर र मनोविदले गाए ‘सलल पानी डुंगैमा’

२०७६ पुस १९ शनिवार
Newsdesk Shikharnews

भारतको सिलिगुरीमा चर्चित बाल चिकित्सक डा. गंगाप्रसाद सापकोटा र चर्चित मनोविद् देवीकला शर्मा दम्पत्ति चिकित्सा पेशा बाहेक गीत संगीतमा पनि गहिरो रुची राख्छन् । हालै यी दम्पत्तीको गायन रहेको सलल पानी डुगैमा गीत सार्वजनिक भएको छ ।

युट्युवबाट सार्वजनिक भएको गीतमा अग्रज संगीतकार मणिकमल क्षेत्रीले संगीत सिर्जना गरेका हुन् । त्यस्तै गीतको शव्द मुकुन्दराज शर्माले रचना गरेका हुन् । गीतकार शर्मा चर्चित कलाकार हरिहर शर्माका भाई हुन् ।

जनवरी १ मा युट्युवमा अपलोड गरिएको गीतको म्यूजिक भिडियोले संगीत पारखीको मन जित्दै गइरहेको छ । हालसम्म भिडियोलाई २ लाखभन्दा बढि पटक हेरिसकिएको छ । म्यूजिक भिडियोको निर्देशन समन अधिकारीले गरेका छन । अधिकारी नेपाली म्यूजिक भिडियो निर्देशनका लागि रुचाइएका नाम हुन् ।

भिडियोको छायांकन भुटानको सीमास्थित जयगाउँ सहित काठमाडौँ र टिस्टामा गरिएको छ । भिडियोमा नरेन खड्का र शिल्पा तामाङको अभिनय रहेको छ भने प्रमोद भण्डारीको कोरियोग्राफी, सुमन तामाङको ड्रोण, भूपेन्द्र तुम्वाहाम्फे र फराज अर्पनको छायांकन रहेको छ । भिडियोको सम्पादन फराज अर्पणले नै गरेका छन् ।

Advertisement