तुइन तर्न १०० रुपैयाँ

२०७६ माघ २९ बुधवार
Newsdesk Shikharnews

सरकारले तुइन विस्थापित गर्दै झोलुंगे पुलका योजना अघि सारेको दुई वर्ष भइसक्यो हुम्लाको खार्पुनाथ गाउँपालिकाका लागी अझै विकल्प छैन। कर्णाली नदी तर्न बोक्चेगौडाका गाउँले तुइनकै भर पर्नुपर्छ ।

त्यो पनि निशुल्क होइन प्रति व्यक्ति १०० रुपैयाँ तिरेर । सय रुपैयाँ तिरेर तुइनबाट वारिपारी गर्नेहरुको सामान तारेबापत थप ५० रुर्पैयाँ तिर्नुपर्छ ‘पुरानो र धराप छ, तुइनबाट वारिपारि गर्दा भगवान्को नाम जप्छौ, स्थानीय काली विकले भनिन् । ‘पैसा नहुनेले वारिपारि गर्न पाउदैनन् । ’कणाली नदीमा बाह्रै महिना बहाब उच्च हुने भएकाले पानी छिचोलेर तर्न सकिदैन ।

खर्पुनाथका अधिकांश वडाका बासिन्दाले गाउँपालिकाको केन्द्र याङथुचु पुग्न तुइनबाट कर्णाली तर्नै पर्छ । उक्त तुइनकै बाटो भएर थाली राया, छिप्रा र कारामलगायत गाउँका बासिन्दा याङ्चु र छिमेकी जिल्लाहरु जुम्ला, बाजुरा पुग्छन् । कान्तिपुर दैनिकबाट